முதுநிலை நூலக மற்றும் தகவல் அறிவியல் படிப்பு பற்றி அறிவோமா?

லைப்ரரி மற்றும் இன்பர்மேஷன் சயின்ஸ் படிப்பானது, ஒரு இன்டர்டிசிப்ளினரி படிப்பாகும். இப்பாடத்திட்டம் பல தியரி மற்றும் பிராக்டிகல் அம்சங்களை தன்னகத்தேக் கொண்டதாகும்.

நோக்கங்கள், கோட்பாடுகள், உள்ளடக்கம், சிஸ்டங்கள் மற்றும் புத்தகங்களை பொதுமக்கள் பயன்படுத்தும் முறைகள் ஆகியவைப் பற்றி கற்றல் மற்றும் பயிற்சியெடுத்தல் தொடர்பான தொழில்நுட்ப பயன்பாடு குறித்ததானது இப்படிப்பு.

செமஸ்டர் அடிப்படையிலான இந்த ஒரு வருட படிப்பில், இறுதி செமஸ்டரின்போது, ஒரு மாத இன்டர்ன்ஷிப் உண்டு. படிப்பதில் மக்களிடையே பெருகியுள்ள அதிக ஆர்வம், படிப்பதில் நாட்டமுடைய புதிய தலைமுறை இளைஞர்கள் மற்றும் பெருகிவரும் உயர்கல்வி மற்றும் இதர கல்வி நிறுவனங்கள் ஆகியவற்றால், இப்படிப்பை மேற்கொள்வோருக்கு எதிர்கால வேலைவாய்ப்புகள் பிரகாசமாக உள்ளன என்பதில் சந்தேகமில்லை. இந்த ஓராண்டு படிப்பிற்கான கட்டணம் ரூ.15,000. ஆனாலும், பல்கலைக்கு பல்கலை, கட்டணம் வேறுபடலாம்.

இப்படிப்பில் சேர்க்கை பெறல்

முதுநிலை லைப்ரரி மற்றும் இன்பர்மேஷன் சயின்ஸ் படிப்பில் சேர்வதற்கான குறைந்தபட்ச மற்றும் அடிப்படை தகுதியாக, அதே படிப்பை இளநிலையில் முடித்திருக்க வேண்டும். மேலும், இப்படிப்பில் சேர்வதற்கு, இளநிலைப் பட்டப் படிப்பில், குறைந்தபட்சம் 50% முதல் 60% மதிப்பெண்கள் பெற்றிருக்க வேண்டும் என்று பல பல்கலைக்கழகங்கள் எதிர்பார்க்கின்றன.

எழுத்து மூலமான நுழைவுத்தேர்வு மற்றும் மெரிட் அடிப்படையில் சேர்க்கை நடைபெற்றாலும், சில பல்கலைகள், முதுநிலை லைப்ரரி அன்ட் இன்பர்மேஷன் சயின்ஸ் படிப்பில் மாணவர்களை சேர்க்க, நேர்முகத் தேர்வையும் நடத்துகின்றன.

கற்பித்தல் நடைமுறை

தியரி மற்றும் பிராக்டிகல் ஆகிய இரு அம்சங்களையும் இப்படிப்பு உள்ளடக்கியுள்ளது. கற்பித்தல் செயல்முறையில், செமினார்கள் மற்றும் பிரசன்டேஷன்கள் ஆகியவை முக்கிய அம்சங்களாக இடம்பெற்றுள்ளன. பல்வேறு நூலகங்களுக்கு நேரில் சென்று ஆய்வுசெய்து மேற்கொள்ளக்கூடிய ஒரு லைப்ரரி ப்ராஜெக்ட்டுக்கான தனி பேப்பர்களும் அடங்கியுள்ளன.

இப்படிப்பின் நன்மைகள்

இந்த முதுநிலைப் படிப்பு, மாணவர்களுக்கு பல்வேறான வாய்ப்புகளைத் திறந்து விடுகிறது. இத்துறையில் மேலும் ஆராய்ச்சி செய்ய வேண்டுமென்ற விருப்பமுள்ளோர், எம்.பில்., மற்றும் பிஎச்.டி., போன்ற ஆராய்ச்சிப் படிப்புகளை மேற்கொள்ளலாம்.

இப்படிப்பின் மூலம் கிடைக்கும் வேலைவாய்ப்புகள் பரவலானவை என்பதால், இப்படிப்பை முடித்த ஒருவர், பல்வேறான நிலைகளில் தனது பணியை தொடங்க முடியும். இன்றைய நிலையில், சாதாரண பள்ளிகள் முதல் உயர்கல்வி நிறுவனங்கள் ஆகியவற்றைத் தாண்டி, பல்வேறான கார்பரேட் நிறுவனங்கள் வரை, நூலகம் என்பது ஒரு முக்கியமான அம்சமாக உள்ளது.

பள்ளிகள், கல்லூரிகள், பல்கலைக்கழகங்கள், கார்பரேட் நிறுவனங்கள், அரசு நிறுவனங்கள், Publishing நிறுவனங்கள் உள்ளிட்ட பலவற்றில், Librarian, Knowledge managers, Information scientists, Database managers போன்ற பல நிலைகளில் பணியாற்றலாம். இன்றைய நூலகங்கள், Digital, Multimedia and Electronic என்ற அளவிற்கு தொழில்நுட்ப மயப்படுத்தப்பட்டுள்ளன என்பதை நினைவில் கொள்ள வேண்டும்.

மனப்பான்மை

நூலகத் துறை பணி என்பது, சமூகத்திற்கு அறிவை வழங்கும் மிக உயரிய நிலையிலான பணியாகும். எனவே, இத்துறைக்கு வருபவர், வெறும் வருமானத்தை மட்டுமே ஒரு குறிக்கோளாக கொள்ளாமல், கட்டாயம், சேவை மனப்பான்மை கொண்டவராகவும் இருத்தல் வேண்டும். இது அனுபவித்து செய்யக்கூடிய ஒரு பணி. நூலகம் என்பது ஒரு அறிவு திருக்கோயில்.

மனிதனை, அனைத்து மிருகங்களையும் விட, பெரியளவில் உயர்த்தியது அவனது அறிவுதான். எனவே, அந்த அறிவுக்களஞ்சியங்களை பாதுகாத்து பராமரிக்கும் பொறுப்பில் இருப்பது ஒரு சமூக அந்தஸ்து என்பதை மாணவர்கள் நினைவில் கொள்ள வேண்டும்.

இதுபோன்ற இதர படிப்புகள்

லைப்ரரி அன்ட் இன்பர்மேஷன் சயின்ஸ் படிப்புடன் தொடர்புடைய சில படிப்புகள் உள்ளன. அவை,

* Archival science
* Bibliography
* Documentation science
* Information system
* Knowledge management
* Records management

பணி வாய்ப்புகள்

முதுநிலை லைப்ரரி அன்ட் இன்பர்மேஷன் சயின்ஸ் படிப்பை முடித்த ஒருவர், ஆரம்ப நிலையில், பணிபுரியும் இடத்தைப் பொறுத்து, ரூ.35 முதல் ரூ.40 ஆயிரங்கள் வரை மாத சம்பளமாக பெறலாம். ஆனால், ஒரு புகழ்பெற்ற நிறுவனத்தில் பணிவாய்ப்பை பெற்ற ஒருவர், ஆண்டிற்கு ரூ.5 முதல் ரூ.6 லட்சங்கள் வரை சம்பாதிப்பர்.

பொதுவாக, மேற்கத்திய நாடுகள் போன்ற வளர்ந்த நாடுகளில் நூலகர்களுக்கான தேவை மிக மிக அதிகமாக உள்ளது. ஏனெனில், அந்நாடுகளில் அறிவை பரப்பும் பணிக்கு முக்கியத்துவம் கொடுக்கப்படுகிறது. பல்வேறு விதமான கல்வி முன்னேற்றங்களில் ஈடுபட்டுவரும் இந்தியாவிலும், நூலக நிபுணர்களுக்கான பணி வாய்ப்புகள் நாளுக்குநாள் அதிகரித்து வருகின்றன.

சவால்கள்

இத்துறையில், அன்றாடம் ஏற்படும் மாற்றங்களைப் பற்றி கட்டாயம் அறிந்து, தமது அறிவை இத்துறை நிபுணர்கள், அடிக்கடி புதுப்பித்துக் கொள்ள வேண்டும். இத்துறையில், ஏற்பட்டுவரும் தொழில்நுட்ப முன்னேற்றங்கள் குறித்து அறிவது மிகவும் அவசியம்.

உலகளவில், தகவல் புரட்சி அதிகரித்து வருகிறது. எனவே, அவற்றுக்கு ஈடுகொடுக்கும் வகையிலான நூலக நிபுணர்களின் தேவை நாள்தோறும் அதிகரித்து வருகிறது.

இப்படிப்பின் Core Subjects

* Information systems and programmes
* Classification
* Cataloguing
* Research methodology
* Marketing of library, information products and services
* Information storage and retrieval system
* Information literacy applications in library and information science
* Information and communication technology, Applications in library and information science.

இப்படிப்பை வழங்கும் சில முக்கிய கல்வி நிறுவனங்கள்

University of Delhi
University of Mumbai
Lovely professional university
ITM university
Punjab university
Manipal university

பொதுவான பணி நிலைகள்

* College Librarian
* Library assistant
* Library attendant
* Information provider
* Information scientist
* Information researcher
* Knowledge manager
* Database manager.