அம்மாக்களுக்கு ஆண் குழந்தைகள் செல்லம் என்றால், அப்பாக்களுக்கு பெண் குழந்தைகள் மீது தான், கொள்ளை பிரியம். சாதாரணமானவர்களுக்கு மட்டுமல்ல, வி.ஐ.பி.,க்களுக்கும் இந்த நடைமுறை பொருந்தும்.
"தி லாஸ்ட் சாமுராய், ரெயின் மேன்' போன்ற ஹாலிவுட் படங்களில் நடித்த, அதிரடி நடிகர், டாம் குரூஸ், நடிகை ஹேடி ஹோம்ஸ்டை திருமணம் செய்துள்ளார். இவர்களுக்கு, ஏழு வயதில், சூரி என்ற பெண் குழந்தை உள்ளது.இந்த குழந்தை, தன் தாயாருடன், நியூயார்க்கில் வசிக்கிறது. சூரி மீது, டாம் குரூசுக்கு அளவிட முடியாத பிரியம். இந்த குழந்தையின் பாதுகாப்பு மற்றும் பராமரிப்புக்காக மட்டும், வாரத்துக்கு, 30 லட்சம் ரூபாய் செலவழிக்கிறார், டாம் குரூஸ்.
குழந்தையை சுற்றி, இரண்டடுக்கு பாதுகாப்பு போடப்பட்டுள்ளது. நன்கு பயிற்சி பெற்ற, நான்கு பாதுகாவலர்கள் குழந்தைக்கு பாதுகாப்பு அளிக்கின்றனர். இவர்கள், துப்பாக்கி வைத்திருப்பதற்கு உரிமம் பெற்றவர்கள்.
இதுபற்றி டாம் குரூசிடம் கேட்டால்,"சூரி தான், என் உயிர். எங்கு சென்றாலும், அவள் நினைப்பு தான். அவளுக்காக, எதை வேண்டுமானாலும், இழக்கத் தயார்...' என, உருகுகிறார். கொடுத்து வைத்த குழந்தை.
— ஜோல்னா பையன்.
No comments:
Post a Comment